** Sharah **
Shajra e Aaliya Qadriya
Razviya'h
(Yani.. Tazkira Mashaikh e Qadriya Razviya)
(Aur Ash'Aar K Ma'ana o Mafhoom)
Sher No. 4
*********************************
Sayyad e Sajjad Ke Sadqe Me Sajid Rakh Mujhe
Ilm e Haq De Baqar e Ilm e Huda K Waste
*********************************
..Tashreeh..
Ya Sayyad e Sajjad Hazrat Imam Zainul Aabidi
Radi'Allahu'Ta'Aala'Anh K Sadqe Me Mujhe Sajid
(Sajda Karne Wala) Rakh Aur BaQare ilm e Huda
Hazrat Imam BaQar Radi'Allahu'Ta'Aala'Anh
K Tufail Deen o Duniya Me Kamyab Karne Wale
"Ilm e Haq" Ki Daulat Se MalaMaal Farma....
** SAYYAD E SAJJAD **
Hazrat Imam Zainul Aabidi Radi'Allahu'Ta'Aala'Anh
Imam Aali Muqam
Sayyidina Imam e Husain
Radi'Allahu'Ta'Aala'Anh
K SahabZade Hain..
Aap Apne Walid e Girami Hazrat Imam e Husain
Radi'Allahu'Ta'Aala'Anh
Ke Sath Karbala e Mualla Me Maujud The
Aur Saneha e Karbala Ke Waqt Shadid Bimaar The
Aapki Wiladat
5 Shaban 38 Hijri
Ko
Madina Munawwara Me Hui
Aapko Walid Bin Abdul Malik Ne Zehr Diya
Jiske Asar Se
18 Muharramul Haraam
94 Hijri
Ko Aapki Shahadat Hui
Mazar e Aqdas
Jannatul Baqi
Qubba e Imam e Hasan
Radi'Allahu'Ta'Aala'Anh
Me Hai
Aapne Apne Walid Hazrat Imam e Aali Muqam
Ki Shadat Ke Baad Duniya Ki Lazzato Ko Bilkul Tark
Kar Diya
Aur Yaad e Ilahi Me Mashgool Rehte
Raat o Din Karbala Ke Waqeyat Aur Ahle Bait
ke Masaib Yaad Karke Rote
Na Din Ko Chain Na Raat Ko Aaram Tha
Jab Walid e BuzurgWar Ki Shafqate'n Aur Karbala
K Waqeyat Yaad Aate To Rote Rote BeKhud Ho Jate The
** BAQAR e ILM e HUDA **
Hazrat Sayyidina Imam Muhammad BaQar
Radi'Allahu'Ta'Aala'Anh
Hazrat Sayyidina Imam Zainul Aabidi Radi'Allahu'Ta'Aala'Anh
Ke SahabZade Hain
Aapki Wiladat
3 Safar ul Muzaffar
57 Hijri Baroz Juma Madina Munawwara
Me Hui
Aur Wisal
7 ZilHaj 114 Hijri
Baroz Do Shamba 57 Saal
Ki Umr Hua
Aapka Mazar e Muqaddaa JannatulBaqi (Madeena Munawwara)
Me Hai
SAYYADUL AMBIYA
KA SALAAM
Hazrat Imam Muhammad BaQar Radi'Allahu'Ta'Aala'Anh
Farmate Hain
K Mai Ek Din
Sahabi e Rasool Hazrat e Jabir Bin Abdullah
Radi'Allahu'Ta'Aala'Anh
Ki Zeyarat Ke Liye Unki Khidmat Me Hazir Hua
Unho Ne Mere Hath Chume Aur Kaha
Aye Farzand e Rasool Tujhe Tere Jadde Kareem
Paigambar e Islam Sallallhu'Alaihi'WaSallam Ka
Salaam Mubarak Ho....
Maine Qissa Daryaft Kiya To
Hazrat e Jabir
Ne Bataya KRasul e Paak Sallallhu'Alaihi'WaSallam
Ne Mujh Se Farmaya Tha
K Tu Mere Ek Farzand Se Jiska Naam
"Muhammad"
Hoga
Mulaqat Karega
Jab Mulaqat Ho To Mera Use Salaam Kehna
Book>-ShawahiddunNubuwah
Is Se Hazrat Sayyidina Imam
Muhammad BaQar Radi'Allahu'Ta'Aala'Anh
Ka Muqam o Martaba Samjha Ja Sakta Hai
K Jis Zaat e Aqdas Par
Khuda e Paak
Khuda e Paak
Uske Firishte Aur Qaynat K Tamam Ahle Haq
Salaam Bhejte Hain
Usi Zaat e Aqdas Ki Janib Se Aapko Salaam Aaraha Hai..
Ye Bhi Pade'n
Post a Comment
Post a Comment